Kleuterskool merk die heel eerste stap in jou kind se amptelike skoolreis, en dit maak ‘n groot verskil vir ouderdomme 3 – 4 jaar. In teenstelling met kinderoppassers/dagmoeders is kleuterskoolonderwysers spesiaal opgelei in vroeëkinderontwikkeling. Hulle fokus op die bevordering van jou kind se sosiale, emosionele, akademiese en lewensvaardighede. Dit gaan alles oor om hulle gereed te maak vir meer gestruktureerde leer!
Een van die primêre voordele is die geleentheid om sosiale vaardighede aan te leer deur te speel met maats van dieselfde ouderdom. Dit is hier waar vriendskappe gevorm word, samewerking aangeleer word, en kommunikasievaardighede ontwikkel word. Hierdie vaardighede is die fondasie vir toekomstige verhoudings en spanwerk.
Studies het aangetoon dat die tipe kleuterskool wat jou kind bywoon ‘n belangrike rol kan speel in hul toekomstige akademiese sukses. Speel-gebaseerde programme, soos ons s’n by Klein Phisantekraal Preprimêr, bied wonderlike geleenthede vir sosiale, emosionele en akademiese groei.
Hou ‘n oog op hierdie tekens! Jou kind is reeds van die doek af, toon tekens van onafhanklik wil wees, speel vir tydjies onafhanklik, is gretig om kreatiewe werkies te doen en is nuuskierig oor maats en groepaktiwiteite. As jy hierdie tekens sien, is hulle gereed vir hul volgende groot stap!
Die Skapie-klas kleuters is in die bekwame hande van Juffrou Juané. Daar is ‘n maksimum van 20 kleuters in die Skapie-klas.
Skooltye:
Klasse is van 08:30 – 12:15, Maandae tot Vrydae (Hekke open 07:15).
Toelatingsvereiste:
Die Skapie-klas is vir kleuters wat vier jaar oud word in die betrokke skool jaar.