Klein Phisantekraal bied drie ouderdom-klasse aan:
Elke klas het ‘n gekwalifiseerde B.Ed opvoeder en ‘n klasassisstent.
Die Graad R en Pre-graad R klasse het ‘n maksimum van 26 leerders per klas. Daar is twee Graad R klasse by Klein Phisantekraal, die Bytjies en die Plaasmuise, en die klasse volg die KABV, die Nasionale Kurrikulum Verklaring.
Die Pre-graad R klas is die Eendjie-klas.
Die vierjariges se klas, die Skapie-klas, het ‘n maksimum van 20 kleuters in die klas.
Klein Phisantekraal bied ook nasorg en vakansiesorg, sowel as buitemuurse aktiwiteite.
Kleredrag
Kleuters word aangemoedig om te speel en om deur aktiewe deelname te leer en moet dus verkieslik wasbare speelklere skool toe aantrek.
Sonbrandroom moet daagliks aangesmeer word.
Kosblikke
Kleuters bring hul eie gesonde kosblik vir laat-oggend se happie-tyd.
Lekkergoed (tjips, sjokolades en soetgoed) word slegs op Vrydae toegelaat.
Dagprogram
Die departementele program word gevolg, wat skeppende, kognitiewe, musiek, beweging en perseptuele aktiwiteite insluit. Kleuters word ook van ‘n groot verskeidenheid opvoedkundige speelgoed voorsien.